Vacaloura

Historia do lugar

Un santuario animal é un lugar onde os animais de diferentes especies poden levar a vida que lles corresponde. Un lugar libre de especismo, explotación e maltrato. Aquí inténtaselle dar aos animais a mellor vida posible. 

O Santuario Vacalaoura naceu no 2013, co obxectivo de acoller a todos os animais posibles, sempre e cando lles podan dar unha mellor vida. Moitos dos habitantes do santuario teñen nas súas costas historias de maltratos e explotación, que deixan atrás e non repetirán ao chegar a esta nova vida. 

Descripcións das instalancións

No Santuario Vacaloura, ademais de ter por obxectivo velar por unha vida digna para os animais, tamén se centran en difundir o antiespecismo e o veganismo, para acardar unha sociedade máis respectuosa.

Na actualidade, o santuario está situado ás aforas da localidade de Santiago de Compostela, mais están inmersos nun proxecto chamado “Un corazón para Vacaloura” que consiste na captación de axuda para poder mudar de lugar. O sitio actual estáselles a quedar pequeno e as instalancións obsoletas, o que lles impede continuar cun avance progresivo de axuda aos animais. 

Descripcións dos animais

Como ben indicamos, no santuario acollen todo tipo de animais: galiñas, parrulos, pavos, porcos, cans, cabalos, vacas, cabras, ovellas… todos cun pasado que queren esquencer. 

Trato aos animais

A cantidade de animais co paso do tempo é maior, polo que sempre precisan mans que lles axuden. Por iso, o santuario conta cunha sección de voluntariado, onde a xente que queira ir ponse en contacto para colaborar.. Poden botar unha man tanto en labores de rehabilitación das instalacións, como no trato cos animais. 

Dende o santuario teñen sempre presente que os animais con seres con sentimentos, polo que sempre os tratan da mellor maneira posible. Teñen coidados de limpeza, desinfeción dos lugares, alimentación abundante e variada e todo tipo de coidados veterinarios, por exemplo moitas das galiñas son operadas para que non produzan máis ovos e así a súa vida sexa máis lonxeva. 

Medios de promoción 

Para o santuario un dos seus medios de promoción é dar a coñecer as historias dos seus habitantes, como van evolucionando, os seus coidados… para que os animais non humanos poidan ser recoñecidos como os individuos únicos que son. Alén teñen unha páxina web (santuariovacaloura.org/gl) onde o público pode colaborar (voluntariado ou mercando productos da tenda), visitar, coñecer como van os animais… do mesmo xeito, tamén utilizan o instagran co mesmo nome.